Di ghjornu cum’è di notte, assicuremu a sicurezza, u cuntrollu di l’accessu, a surveglianza è u guardianatu di i vostri lucali, bastimenti, cantieri è altri siti sinsibuli.

A’i nostri agenti li tocca à :

• Accoglie è infurmà
• Mantene a sicurità di u situ è di e persone prisente
• Purtà succorsu è assistenza à a ghjente in periculu.

Oltre a surveglianza umana, individuale o cullettiva, vi prupunimu parechje ozzioni per prucaccià a suluzione più bona pè risponde à i vostri bisogni di sicurità :

• Livia elettronica pè ch’è vo possite seguità in direttu l’evenimentu ;
• Stallazione d’una signaletica pè fà sapè ch’ellu hè miratu u locu ;
• Messa in piazza di mezi tecnologichi pè rinfurzà a perfurmanza (camerà, alarme, indicatore di muvimenti…).

A sicurità incendiu si stende in i stabilimenti chì ricevenu a ghjente sicondu un rigulamentu severu pè assicurà u previnimentu è l’interventu à l’incendiu.

I nostri agenti di sicurità incendiu anu pè u più un rollu di previnimentu è di cuntrollu pè schisgià ogni risicu chì puderebbe cunduce à a nascita d’un focu. Quand’elli intervenenu e so missioni eventuale sò parechje :

• Cuntrullà l’attrazzi di sicurità per esse cunvinti ch’elli viaghjaranu cum’ellu si deve in casu d’incendiu ;
• Privene u risicu d’incendiu fendu appiicà e regule di sicurità ubbligatorie
• Sensibilizà u persunale à i risichi d’incendiu ;
• Capì, tene contu di i risichi chì esistenu in grembiu à u stabilimentu ;
• Intervene in freccia è cun efficacità in casu d’incendiu vale à dì « scuccà u battifocu », fà u bastimentu sicuru quant’ellu si pò, privene i succorsi è prucede à l’evacuazione di u stabilimentu ;
• Purtà succorsu à a ghjente in periculu.

Tutti i nostri agenti di sicurità incendiu sò avvezzi à intervene cun calma è in lu rispettu di e regule.

Rapide, serene è prufeziunali, abbiate cunfidenza in e nostre squadre di previnimentu !

L’aeroporti sò lochi sinsibuli esposti à risichi di malevulanza, di trafichi o di minacce illecite. Tocca a statina millaie di persone viaghjanu in l’aeroporti corsi, inghjinnendu a crescita naturale d’un bisognu di sicurità.

I nostri agenti di sicurità aeropurtuaria sò incaricati :

• di cuntrullà i bagagli di i passageri ;di fà passà i viaghjadori sottu à u porticu à palisà u metallu ;
• di prucede à cuntrolli pussibuli annant’à persone in casu di nécessità ;
• d’appiicà è di fà rispittà e regule di sicurità in usanza ;
• di cuntrullà u nolitu, l’aviò è l’equipaggiu ;
• d’eseguì ronde in l’aeroportu per esse sicuri chì a sicurità d’ognunu hè sana ;

I nostri agenti sò decisi à stà attenti sempre, mentr’elli intervenenu. A so soda spertizia è u so sensu di u serviziu, fanu di e nostre squadre un elementu fundiu di a sicurità di l’aeroporti.

A sicurità purtuaria hè divintata in pochi anni un duminiu induve u cuntrollu s’hè rinfurzatu pè stabilì a sicurità di i passageri, di u persunale è di a mercanzia pè privene minacce d’atti illeciti.

Nant’à u portu o puru durante e travirsate marittime, i nostri agenti sò prisenti per eseguì missioni di cuntrollu d’accessu, di ispezzione-filtrature è di messa in sicurità di i spazii, offrendu una prutezzione supplementaria à persone è mercanzie chì entrenu in la nave.

In lu quatru di a so missione di prutezzione è di previnimentu, l’agente qualificatu in sicurità è sicurezza purtuaria hè capace :

• A’ fà rispittà a sicurità marittima fendu appiicà tutte e misure di sicurità specifiche à a prutezzione di l’infrastrutture purtuarie.
• A’ cuntrullà l’accessi di e persone, di i veiculi è di e mercanzie, rispittendu ogni régula in usanza.
• A’indittà persone, veiculi o articuli ch’ùn sò micca auturizati à cullà à bordu.
• A’intervene cun calma è efficacità quandu stalva un accidente pè prutege e vittime fin’à a ghjunta di i succorsi.
• A’ assicurà a sicurità incendiu.

L’azzione soia permette à tempu, d’anticipà i risichi d’intrusione o d’atti di malevulanza contru à bastimenti o persone à occupà li, è d’offre una sicurezza più soda in casu di interventu.

E ronde di sicurezza anu per scopu principale di vighjà annant’à un situ incù l’aiutu di a telesurveglianza.

I nostri agenti di sicurità sò quì pè :

• rinfurzà u livellu di sicurità d’un situ ;
• mette in sicurità e persone prisente ;
• assicurà si chì nisunu s’appronta à orde atti delittuali (intrusione, agressione, dannu, arrubecciu…) ;
• intervene in furia è cun efficacità in casu di delittu o di infrazzione ;
• di privene a pulizza in casu di prublema grave evidente.

In leia cun a telesurveglianza, l’interventi cunsistenu pè l’agente, à rende si contu annant’à u situ in massime 30 minuti.

Un studiu di u situ è di i bisogni sarà fattu capunanzu pè prucaccià vi una surveglianza ottima. E ronde permettenu un cuntrollu regulare di u situ invece chì l’interventi sò messi in piazza pè fà le massime a sicurezza è a sicurità di i lochi

Hè quì pè reghje e file, prucede à cuntrolli d’accessu, à ispezzione è filtrature (palpamentu, ispezzione visuale…), privene e situazioni risicose, intervene in casu di lita pè rinfurzà a sicurità di u publicu è di l’urganizatori…

I nostri agenti di sicurità di l’evenimenti mettenu à u serviziu di a vostra intrapresa e so cumpetenze è e so spertizie pè assicurà a sicurità di i vostri evenimenti. Una strategia di previnimentu è un travagliu di priparazione sò urganizzati capunanzu pè riduce ogni risicu eventuale.

E nostre prestazione sò definite sicondu i vostri bisogni, ma vi demu issa certezza :

• avarete un interlocutore dedicatu tuttu u longu di a prestazione.
• faremu un diagnosticu precisu di i vostri bisogni.
• una rilazione sarà stabilita cun l’istituziunali.
• Scriveremu è faremu appiicà u pianu di sicurità cunformu à e regule in usanza
• Andaremu appalamanu cun i servizii d’ordine publicu
• Arricaremu à voi e risorse umane è tecniche necessarie à u vostru evenimentu è a u so scolu.

Prutege, cuntrullà, surveglià, succore, tuttu quessu face parte di e missioni d’un agente di sicurità assistitu da u so cane. L’agente travaglia in binomiu cù u so animale, qualsiasi u so interventu di guardianatu o surveglianza.

Pè chì u funziunamentu sia ottimu, a leia trà maestru-cane è animale hè indispinsevule. Hè da quessa chì tutti l’agenti sò à eseguì e so missioni incù u so propiu cane. A’u duettu « omu-cane » li tocca à :

• Fà ronde è surveglianze pè privene malevulanze è risichi eventuali ;
• Visticà a prisenza di persone, d’oggetti o prudutti capaci à culpì a sicurità di robbe è ghjente nant’à u situ ;
• Intervene subitu pè levà ogni dubbiu ;
• Privene i servizi cumpetenti pè mette fine à u disturbu ch’hè statu identificatu.

Hestia Services Sécurité mette à dispusizione di i so cullaburatori a so sperienza è a so spertizia pè guarantì li una suluzione ottima adatta à i so bisogni tinendu à mente, sempre, u cuntestu è e regule « in anda » in permanenza.

A so capacità à adattà si è a so crescita regulare anu fattu d’Hestia Services Sécurité, una riferenza in u duminiu di a sicurità è di a sicurezza di robbe è ghjente.

Oltre u fattu di prupone vi numarosi servizii di qualitai adatti à i vostri bisogni è à e vostre attese, avemu in core d’esse à fiancu à voi da capu à fine. Semu à l’ascoltu è disposti à sparte è scumparte u nostru sapè fà è e nostre cunniscenze.

Ritruvate tutti i nostri cunsigli annant’à e rete suciale (leia rete suciale) è nant’à a nostra pagina d’attualità (leia Attualità).